Portugal — yangiliklari Matbuot

Bernardu Silva:

Joze Mourino — portugal futboli uchun juda katta ahamiyatga ega murabbiy.

Biz bolaligimizdan uning jamoalarini kuzatib ulg'ayganmiz va u har doim Portugaliya nomini eng yuqori cho'qqilarga olib chiqqan.

Biz bir necha bor raqib bo'lganmiz, ammo endi bir tarafdamiz.

✨ Maykon Kardozo o'tgan mavsumda asosiy tarkib bilan shug'ullanish imkoniyatiga ega bo'lgani haqida:

Men juda diqqatli edim, chunki bu Kompani va jamoadoshlarimga tayyor ekanligimni hamda asosiy tarkibda qolishni istashimni ko'rsatish uchun imkoniyat edi. Shuning uchun birinchi mashg'ulotdan boshlab, har kuni bor kuchimni berdim. Agar yana nimadir bera olsam, berardim, chunki u yerda bo'lish uchun juda ko'p mehnat qilish kerak.

✨ Debyuti haqida:

Murabbiyning oldiga borganimda, u shunchaki: "Mashg'ulotlarda nima qilsang, shuni qil", dedi. Shuning uchun juda xursand edim, maydonga juda xotirjam, o'ynash istagi va barchaga kimligimni ko'rsatish ishtiyoqi bilan tushdim.

✨ Kardozo Braziliya yoki Portugaliya terma jamoasini tanlashi haqida:

Avvalo, har ikkala terma jamoaga ham katta hurmat bilan qarashimni aytmoqchiman. Ular ikki buyuk jamoa. Ikkala fuqarolikka ega bo'lish — katta mukofot. Bolaligimda har doim Braziliya o'yinlarini kuzatardim, bunga Neymar ham sababchi, lekin men doim Braziliyaga muxlislik qilganman. Orzuim har doim Braziliya safida o'ynash bo'lgan, ammo men har ikkala jamoaga ham tayyor bo'laman. Xudo xohlasa, tanlov qilish vaqti keladi va men bunga tayyor bo'laman. Braziliya [Norvegiyaga] mag'lub bo'lganidan so'ng, keyingi jahon chempionatiga qadar chaqiruv olish uchun bor kuchimni sarflashga qaror qildim. Bu barcha futbolchilarning orzusi. Bu mening ham eng katta orzularimdan biri, shuning uchun Xudo xohlasa, 2030-yilga kelib jahon chempionatiga chaqiruv olish uchun har kuni qattiq mehnat qilaman.

Bernardu Silva «Real»ga qarshi o'yinlar va Madrid klubi haqida o'z fikrlari bilan o'rtoqlashdi:

«Real»ga qarshi ko'p marta maydonga tushganingizda, bu klubning buyukligini his qila boshlaysiz. Aynan o'sha paytda bu yerda bo'lish va «Santyago Bernabeu»da o'ynash qanchalik ajoyib ekanligini tushunib yetasiz.

Dante:

Vensandan atigi ikki kun ichida ko'p narsani o'rgandim, ayniqsa uning munosabati va futbolchilar bilan muloqot qilish uslubi borasida. U ajoyib murabbiy. Men hali ko'p narsani o'rganishim kerak, lekin hamma narsani ko'chirib olishim shart emas. Bir nechta buyuk murabbiylar qo'l ostida ishlash baxtiga muyassar bo'lganingizda, faqat bittasiga yopishib qolmaslik kerak. Men Gvardiola, Xaynkes va Lyusen Favrdan eng yaxshi jihatlarni olib, o'z shaxsiy uslubimni shakllantirmoqchiman.

Dante o'zi yaratmoqchi bo'lgan o'yin uslubi haqida:

Men jamoamiz quvnoq futbol o'ynashini istayman. Ayniqsa, yosh futbolchilar maydonda bor kuchini berishdan zavq olishlari kerak, shunda ular o'yindan keyin ham baxtli bo'lishadi. Ammo bunga faqat qattiq mehnat va intizom orqali erishish mumkin. Taktika tanlashda to'liq erkinlikka egaman. Lekin birinchi jamoa bilan bir xil uslubda mashg'ulot o'tkazish va o'ynash mantiqiyroq. Yakunda men yosh futbolchilarni Vensanning tarkibiga kirishga tayyorlamoqchiman. Bizning asosiy maqsadimiz — o'yinchilarning rivojlanishiga yordam berish.

Dante «1860»ga qarshi derbi haqida:

U qachon bo'lishini aniq bilaman: 17 oktyabr. U yerda his-tuyg'ular va adrenalin ancha yuqori bo'ladi. Ba'zi muxlislar allaqachon men bilan bu o'yin haqida gaplashishdi va biz albatta g'alaba qozonishimiz shartligini aytishdi.