AZ Alkmaar — yangiliklari Transfer

ESPN bugun o'zining ESPN Vandaag dasturida PSV, AZ va AIK klublari erkin agent hisoblangan Yoel Veltmanga qiziqish bildirayotgani haqida xabar berdi. Tajribali himoyachi Brayton klubini tark etganidan so'ng erkin agent maqomida qolgan va shartnoma imzolash imkoniyatiga ega.

E'tiborli tomoni shundaki, hozircha ushbu qiziqish haqida faqat ESPN xabar bermoqda. PSVning Veltmanga bo'lgan qiziqishi qanchalik jiddiy ekani yaqin kunlarda ma'lum bo'ladi. Hozircha bu boshqa ishonchli manbalar tomonidan tasdiqlanmagan mish-mishga o'xshaydi.

Pete O'Rourke xabariga ko'ra, "Real Betis" hujumchi Troy Parrott transferi borasida AZ "Alkmar" bilan bog'langan.

Shuningdek, "Ayaks" ham irlandiyalik hujumchiga qiziqish bildirmoqda.

AZ jamoasi tarkibini 21 yoshli himoyachi Sem de Grand bilan to'ldirdi. Futbolchi Niderlandiya yoshlar terma jamoasi sharafini himoya qiladi.

Dastlab "Lommel" va AZ o'rtasidagi muzokaralar qiyin kechgan bo'lsa-da, yakunda klublar kelishuvga erishdi. Sem 2030 yilga qadar mo'ljallangan shartnomaga imzo chekdi.

«Feyenoord» va Kelvin Stengs tomonlarning o'zaro kelishuviga ko'ra, 2027-yil yoziga qadar mo'ljallangan shartnomani bekor qilishdi.

«Feyenoord» safida o'tkazgan ikki yil davomida Stengs 59 ta o'yinda maydonga tushib, 28 ta golli harakatni amalga oshirdi va jamoa bilan ikki bor sovrin yutib oldi.

📰 talkSPORT xabariga ko'ra:

👀 Troy Parrott uchun kurash boshlandi!

🔍 «Real Betis» hujumchi Troy Parrottni (AZ Alkmaar) o'z safiga qo'shib olmoqchi, ammo bu yo'lda ular yolg'iz emas. «Fulxem», «Komo», «Ayaks» va PSV klublari ham 24 yoshli hujumchiga da'vogarlik qilmoqda.

Kelvin Stengs AZ safiga qaytdi. Yarimhimoyachi, shuningdek, qanotda ham harakat qila oladigan futbolchi erkin agent maqomida "Feyenoord"ni tark etib, AZ bilan bir yillik shartnoma imzoladi.

Alkmaar klubi shartnomani yana bir yilga uzaytirish imkoniyatini ham ko'zda tutgan.

Markaziy himoyachi Andrea Natali AZ klubining to'liq huquqli futbolchisiga aylandi. O'tgan mavsumni futbolchi ijara asosida ushbu jamoada o'tkazgandi.

Endilikda tomonlar 2031-yilga qadar mo'ljallangan shartnoma imzolashdi. Avvalroq futbolchining transfer huquqi Leverkuzenning Bayer klubiga tegishli edi.

De Telegraaf xabariga ko'ra, Kelvin Stengs AZ safiga qaytishga yaqin turibdi.

27 yoshli yarim himoyachi shu hafta boshida «Feyenoord» bilan shartnomasini bekor qilganidan so'ng, yashirin tarzda tibbiy ko'rikdan o'tgan.

Salah-Eddin jamoani tark etganidan so'ng, PSV rahbariyati chap qanot himoyasini kuchaytirish uchun yangi nomzodlarni ko'rib chiqmoqda. SoccerNews nashrining serb manbalariga tayanib xabar berishicha, klub nishonida Ugo Bueno va yosh Adam Aznu bilan bir qatorda Filip Kostich ham bor.

33 yoshli serbiyalik futbolchi avvalroq «Groningen» sharafini himoya qilgan, so'nggi yillarni esa «Yuventus»da o'tkazgan. Ayni damda erkin agent maqomida bo'lgan o'yinchi moliyaviy jihatdan PSV uchun qulay variant hisoblanadi. Biroq, futbolchiga qiziqish bildirayotgan boshqa klublar ham mavjud.