Rangers — yangiliklari ↔ Bog'langan

Nikolas Raskin «Roma» yarim himoyani kuchaytirish uchun ko'rib chiqayotgan nomzodlardan biri hisoblanadi.

Voetbalkrant xabariga ko'ra, «Glazgo Reynjers»ning belgiyalik yarim himoyachisi Shotlandiyani tark etmoqchi. U faoliyatida yangi bosqichga chiqishni maqsad qilgan. Futbolchi jahon chempionatidagi muvaffaqiyatli ishtirokidan so'ng (oltita o'yinda ikkita golli uzatma) o'ziga bo'lgan e'tiborni oshirib oldi.

«Vilyarreal» ham futbolchiga qiziqish bildirmoqda va ayni damda ispan klubi biroz ustunlikka ega. O'tgan mavsumda Raskin «Reynjers» safida 50 ta o'yinda maydonga tushib, yettita gol urgan va to'qqizta golli uzatmani amalga oshirgan.

Fabrisio Romano xabariga ko'ra, Kone agenti potensial xaridorlarni o'rganish uchun Angliyaga yo'l olgan va jurnalistning so'zlariga ko'ra, fransiyalik futbolchining agenti hamda "Manchester Yunayted" o'rtasida uchrashuv bo'lib o'tgan.

Andrey Santos va Yuri Tilemans transferlaridan so'ng, ingliz klubi yarim himoya chizig'ini yanada kuchaytirishni maqsad qilgan. Jamoa jismoniy va himoyaviy jihatdan kuchliroq bo'lgan futbolchi qidirmoqda. Kone aynan shu profilga mos keladi, chunki u Fransiya terma jamoasi safida jahon chempionatida ishtirok etmoqda. Biroq, "Roma" yarim himoyachisi "Manchester Yunayted" ro'yxatidagi yagona nom emas. Shu bois, hali oldinda qilinadigan ishlar ko'p, hozircha faqat dastlabki aloqalar va baholash jarayoni ketmoqda, to'liq muzokaralar hali boshlangani yo'q.

🚨 «Roma» «Sanderlend» yarim himoyachisi Xabib Diarraning transferi imkoniyatini ko'rib chiqmoqda.

Italiya jamoasi Diarrani Manu Konening o'rniga munosib nomzod sifatida ko'rmoqda.

La Gazzetta dello Sport

Habib Diarra va Nikolas Raskin «Roma»ning diqqat markazida qolmoqda. Agar Manu Kone jamoani tark etsa, rimliklar aynan shu futbolchilardan birini o'z safiga qo'shib olishi mumkin.

Gazzetta dello Sport va Leggo xabariga ko'ra, fransiyalik yarim himoyachining ketishi «Roma» sport direktori D'Amikoni xalqaro darajadagi yangi futbolchi izlashga majbur qiladi. Shu sababli klub «Sanderlend» va «Glazgo Reynjers» vakillarini nomzodlar qatorida ko'rib chiqmoqda.

TeamTalk xabariga ko'ra, «Manchester Yunayted» Manu Kone uchun kurashni sekinlashtirishi mumkin.

«Qizil iblislar» «Fulxem»dan Sander Berge va «Reynjers»dan Nikolas Raskinni kuzatishni boshlashdi. Shunga qaramay, klub «Roma» yarim himoyachisi bilan bog'liq variantdan to'liq voz kechgani yo'q.

Fransiyalik futbolchi Premyer-ligada yuqori baholanmoqda, ammo «jallorossi»ni uni qo'yib yuborishga ko'ndirish uchun kamida 50 million yevro talab qilinadi.