#Mateush Fernandes — yangiliklari

🚨 Vinay Venkateshamning Premyer-ligadagi tajribasi hamda uning Vest Xem va Nyukasl kabi klublar bilan aloqalari muzokaralarda muhim rol o'ynadi.

Aynan shu omil Tottenxemga klub tarixidagi rekord darajadagi Mateus Fernandes va Sandro Tonali transferlarini muvaffaqiyatli yakunlashga yaqinlashishiga yordam berdi. 👀✅

Alasder Gold xabariga ko'ra.

Roberto De Zerbi:

Biz juda kuchli jamoa qurish g'oyasi bilan yonyapmiz. Hozir bu jarayonni yakunlashimiz kerak, ish hali tugagani yo'q.

Ayni damda transfer kampaniyamizdan, ham kelgan, ham ketgan futbolchilardan juda mamnunman. Qilgan ishlarimizdan faxrlanaman va kayfiyatim ijobiy.

Muxlislar bilan aloqasi haqida:

Men ulkan mas'uliyatni his qilyapman, chunki "Tottenxem"ga kelganimdan beri ular menga juda ko'p mehr ko'rsatishdi. Bu klub murabbiyi bo'lish men uchun haqiqiy zavq.

Roberto De Zerbi har bir futbolchiga mavsumoldi tayyorgarligida o'zini ko'rsatish uchun imkoniyat berilishini aytdi:

Har kimda menga qanchalik jiddiy ekanligini va bu buyuk klubda o'ynashga loyiqligini ko'rsatish imkoniyati bor.

Maydonda ism va familiyaning umuman ahamiyati yo'q.

Sandro Tonali "Tottenxem"ga o'tishga qanday ko'ndirilgani haqida:

Men futbolchilarning fikrlarini tushunishim kerak... Tonali katta ambitsiyalar bilan katta klubda o'ynashi kerak.

Mateush Fernandes haqida:

Mateush Fernandes uchun bu faoliyatidagi muhim bosqich, chunki barcha sifatlarini namoyon etishi uchun unga o'ziga xos o'yin uslubi kerak.

Yan Paul van Xekke haqida:

Van Xekke men uchun o'g'limdek, chunki biz ikki mavsum bir jamoada ishlaganmiz. Uni shaxs sifatida juda yaxshi bilaman.

Endi Robertson va Markos Senesi haqida:

Robertson bizga xarakter hamda g'alaba qozonish odatini, yuqori darajada kurashishni beradi. Senesi esa, uning o'yin uslubi, Premer-ligadagi tajribasi va sifatlari – u biz uchun juda muhim bo'lishi mumkin deb hisoblayman.

Roberto De Zerbi:

Hozir biz o'yin uslubimizni, sifatni va tashkilotchilikni rivojlantirishimiz kerak. Bu jarayonning muhim qismi, chunki biz yangi yo'limizni quryapmiz.

Roberto De Zerbi:

"Tottenxem" murabbiyi bo'lish – zavq, lekin shu bilan birga natija uchun, maydonga tushganimizda faxr uyg'otishimiz uchun va buyuk "Tottenxem"ni qurish uchun mas'uliyatni his qilaman.

Roberto De Zerbi:

"Tottenxem" Premer-liga jadvalining yuqori qismida o'rin olish uchun kurashishga loyiq deb hisoblayman.

Roberto De Zerbi mavsum boshlanishi oldidan juda ijobiy kayfiyatda:

Biz ulkan salohiyatga ega jamoani quryapmiz, unga yangi futbolchilar va eng muhimi, yuqori saviyadagi o'yinchilar kelmoqda.

Hozir biz yangi loyiha va klub tarixidagi yangi sahifani boshlayapmiz. O'tgan mavsumning so'nggi yetti o'yinida kelganimda vaqt yo'q edi, o'yin g'oyalari va usullari bo'yicha ortiqcha bosim o'tkazish uchun to'g'ri palla emasdi. Ammo endi vaqtimiz bor va har kimda barcha kerakli narsalar mavjud.

Hammasi to'g'ri yo'nalishda ketyapti va biz o'yin sifati bo'yicha yaxshilanish uchun to'g'ri joydamiz, chunki men o'yin sifatiga to'liq ishonaman. Bu chiroyli futbolni shunchaki atmosfera yoki jurnalistlar uchun ko'rsatishdan ko'ra natijaga erishishning eng yaxshi yo'li... Mutlaqo yo'q. Men o'yin uslubi va maydondagi yaxshi tashkilotchilik natijalarga erishish, o'yindan zavq olish, shuningdek, barchamiz bir tilda gaplashib, bir jamoa bo'lishimiz uchun eng yaxshi vosita ekanligiga ishonaman.

Mateush Fernandes "Tottenxem"ni tanlagani sabablari haqida:

"Bu katta klubda o'ynash, g'alaba qozonish va Premer-ligada birinchi o'rin uchun kurashish istagi edi. U [De Dzerbi] men va oilam bilan suhbatlashgan tarz juda muhim bo'ldi".

"U menga har kuni qo'ng'iroq qildi! Shuning uchun u bilan ishlashdan juda xursandman va katta muvaffaqiyatlarga erishishimizga umid qilaman".

"Hammasi o'zaro tushunishga bog'liq edi. U menga g'amxo'rlik qilishini, Angliyada men uchun ikkinchi ota bo'lishini aytdi!"

"Hozir men u va uning shtabi bilan har kuni gaplashib turibman. U futbol bilan yashaydigan inson va u bilan har kuni birga bo'lganingizda, nega u o'z ishida bunchalik kuchli ekanligini tushunasiz".

"Nafaqat murabbiy, balki inson sifatida ham. Uning g'alaba qozonish istagi, yaxshi o'ynashga, raqibni mag'lub etishga intilishi — u top murabbiy".

Mateush Fernandes to'liq tayyor va sog'lom ekanligini tasdiqladi:

"Do'stlarim buni ko'rib, menga qo'ng'iroq qila boshlashdi. Ular: 'Nima bo'ldi? Jarohat oldingmi?' deb so'rashdi. Yo'q, men shunchaki biroz charchagan edim, jiddiy narsa emas. Hozir to'liq tayyorman".

Pedro Porroning qo'ng'irog'i haqida:

"Bir kuni u menga qo'ng'iroq qildi. Men uxlayotganim uchun javob bermadim. Keyin u: 'Qani, Mateush, biz bilan o'ynashing kerak, sening o'tishingni istaymiz. Seni sotib olishni murabbiyga men aytdim!', dedi".

Sandro Tonali bilan birga o'ynash haqida:

"Ha, ko'ramiz. O'ylaymanki, men chuqurroq o'ynay olaman, lekin u ham chuqurroq o'ynashi mumkin. O'yinga bog'liq: ba'zan u 'oltinchi raqam', men esa 'sakkizinchi raqam'da o'ynashimiz mumkin. U ajoyib inson va fantastik futbolchi".

Mateush Fernandes:

"Premer-ligada har narsa bo'lishi mumkinligini bilamiz. Har bir o'yin juda og'ir. Biz o'z tamoyillarimizga amal qilib, qadam-baqadam, o'yindan o'yinga harakat qilishga intilamiz. Albatta, tarkibimizni kuchaytiradigan o'yinchilarimiz ham bor. Ko'ramiz".

Premer-ligadan ketma-ket ikki marta chiqib ketish haqida:

"Bu futbol. Bu hayot. Hammasidan saboq olish kerak. 'Sautgempton'dagi birinchi mavsumim men uchun eng og'iri bo'ldi, chunki men begona yurtda yolg'iz yashardim va u yerda hamma narsa, jumladan til ham yangi edi. Men ingliz tilida gapirmasdim va yonimda portugal yoki ispan tilida gaplashadigan hech kim yo'q edi. Biroz qiyin bo'ldi, shuning uchun 'Vest Xem'ga o'tib, yaxshi tayyorgarlik ko'rishim muhim edi. Bu ikki mavsum davomida maydon tashqarisida ko'p narsani o'rgandim: o'yinlardan keyin o'zimga vaqt ajratishni, boshqa ishlar bilan shug'ullanishni boshladim. Hozir ikki yil avvalgiga qaraganda ancha yaxshi tayyorman. Bu men uchun juda muhim edi".

🚨 Mateus Fernandes «Tottenxem»ning Sidneyda o'tkazilayotgan ochiq mashg'ulotlarida ishtirok etmayapti. Bunga futbolchining charchog'i va boldir mushagidagi yuklama sabab bo'lgan. 💪

Futbolchi «Tottenxem» Angliyaga qaytganidan so'ng mashg'ulotlarga qaytishi kutilmoqda. 🙏

Alasder Gold xabariga ko'ra.

🚨 Sandro Tonali Roberto De Zerbi mashg'ulot vaqtida u va Mateus Fernandes bilan nimalar haqida gaplashgani haqida so'zlab berdi:

U maydondagi tushunishimiz mukammal bo'lishini istaydi. Maydon tashqarisida esa munosabatlarimiz allaqachon a'lo darajada. O'tgan mavsumda biz turli jamoalarda, har xil sxema va uslublarda o'ynaganmiz. Endi esa biz birgamiz va o'z o'yinimizni topib, o'zaro hamkorlikni yo'lga qo'yishimiz kerak.