#Enzo Mareska — yangiliklari

Enzo Mareska Rodri haqida gapirdi:

Bular shunchaki mish-mishlar. O'tgan dushanba kuni u operatsiya qilindi, hammasi yaxshi o'tdi. Hozir u bir necha kunlik ta'tilda, ta'tildan so'ng esa safimizga qaytadi.

Enso Mareska Rodri haqida:

Dushanba kuni unga bel qismida operatsiya o'tkaziladi. Shundan so'ng unga dam olish va tiklanish jarayoni kerak bo'ladi, keyin esa u bizning safiga qaytadi. Har bir murabbiy o'z jamoasida Rodrini ko'rishni istaydi, chunki u yuqori saviyadagi futbolchi.

📺 Gilyem (DAZN jurnalisti):

Rodri kabi futbolchining bugungi "Madrid"ga o'tishi qanchalik zarurligini tushuntirib berish qiyin. Bir necha yil avval bu yarim himoyachini past baholaganlarni tushunish mumkin edi. Ammo bugungi kunda uni mensimaslik – bu xuddi qarama-qarshi yo'nalishda mashina haydash bilan barobar.

Mareska ("Manchester Siti" bosh murabbiyi):

Rodri va "Madrid" haqidagi mish-mishlarmi? Buyuk futbolchilar atrofida doimo gap-so'zlar bo'ladi. Bu tabiiy hol va meni xavotirga solmaydi. U jahon chempionatida g'olib chiqdi va turnirning eng yaxshi o'yinchisi bo'ldi. Har qanday murabbiy Rodrini o'z jamoasida ko'rishni istaydi, chunki u top-darajadagi futbolchi. Hozir uni bel qismidagi operatsiya kutmoqda, shundan so'ng u ta'tilga chiqadi. Ammo keyin u "Siti" safiga qaytadi.

Enso Mareska o'yindan keyingi fikrlari bilan o'rtoqlashdi:

"Barcha o'yinchilarning harakatidan taassurotlandim va ularning o'yinidan mamnunman. Birinchi bo'limda biroz qiynaldik, buning sababini bilamiz, ammo tanaffusdan keyin ancha yaxshiroq o'ynadik. Biz faqat kuchayib boramiz".

Enso Mareskaning «Inter»ga qarshi o'rtoqlik uchrashuvi oldidan o'tkazilgan matbuot anjumani:

Rodri kelajagi va «Madrid» qiziqishi haqida:

Hozircha bularning barchasi shunchaki mish-mishlar. Rodri o'tgan dushanba kuni operatsiya qilindi; hammasi yaxshi o'tdi. Endi u bir necha kun dam oladi va ta'tilini tugatgach, safimizga qaytadi.

Mareska Rodri bilan yangi shartnoma imzolash borasida gaplashganmi:

Aytganimdek, mavsum yakunlangach, u uchun asosiy ustuvor vazifa JCH edi. Hozir u dam olmoqda va bizda faqat Rodri masalasiga qaratilgan alohida suhbatlar bo'lmadi...

Rodrining ahamiyati haqida:

Bu juda muhim. Birinchi matbuot anjumanida aytganimdek, dunyodagi har bir murabbiy Rodrini o'z safida ko'rishni istaydi, chunki u top-o'yinchi; shuning uchun bu men uchun, klub uchun va barchamiz uchun muhim. Ammo hozir unga ta'til kerak — har uch kunda o'yinlar boshlanganda bu juda muhim bo'ladi...

Transferlar haqida:

Biz Ugo va klub bilan ba'zi o'yinchilar haqida gaplashyapmiz, albatta, biror ish qilamiz, turli pozitsiyalarni ko'rib chiqyapmiz. Qancha o'yinchi? Hozircha bizda bu yerda ko'plab yosh o'yinchilar bor, ertaga uch nafar tajribali o'yinchi (Nunes, Diash, Marmush) yetib keladi, qolganlari esa asta-sekin kelishadi. Men shu yerda bo'lganlar bilan ishlashdan xursandman.

FIFA o'z musobaqalaridagi ulushini sotishi haqida:

To'g'risini aytsam, bu haqda ko'p narsa deya olmayman, chunki tafsilotlarni aniq bilmayman. «Siti»ga kelganimdan beri e'tiborim mashg'ulotlarni tayyorlashga, ertangi o'yinga va keyingi bahslarga qaratilgan. Shuning uchun sizga to'g'ri javob beradigan darajada ko'p ma'lumotga ega emasman...

Futbolning o'ziga xosligini yo'qotishi mumkinligi haqida:

Bunga ishonchim komil emas. Futbol go'zal, chunki biz o'yinni yaxshi ko'ramiz; men avval o'yinchi sifatida, endi esa murabbiy sifatida shunday deb o'ylayman. Va menimcha, hamma uchun bu bir xil...

Ertangi o'yin haqida:

Ertaga birinchi o'yin, biz uchun bu har doim yaxshilanish va o'sish uchun imkoniyat. O'ylaymanki, hozir biz shunday jarayondamizki, jismoniy holat uchun bunday o'yinni o'tkazish muhim. Bu yerda bo'lishdan, mashg'ulot o'tkazishdan va ertaga maydonga tushishdan xursandmiz...

Bosh murabbiy sifatidagi ilk o'yinda muvaffaqiyatli boshlash qanchalik muhimligi haqida:

Men har bir kunimdan zavqlanishni yaxshi ko'raman. Bizni har doim baholashadi, nafaqat ertaga. Hozir eng muhimi, biz 10 kun oldin barchamiz birga ish boshladik, yangi konsepsiyalarni kirityapmiz. Asosiy e'tiborimiz shunda...

Fodenning ahamiyati haqida:

U ham boshqalar kabi juda muhim. Filni o'sha yillardan beri bilganim uchun, uning qanchalik kuchli ekanligini bilaman, shuning uchun mening vazifam unga barchamiz ko'rishni istagan Fil bo'lishiga yordam berishdir. Eng avvalo, baxtli bo'lishi, futbol o'ynashi — u uchun eng muhimi shu. Aytganimdek, Fil yaxshi formada va kayfiyatda bo'lsa, bizga g'alabalar va sovrinlar keltira oladi — biz aynan shuni istaymiz...

Jamoaning hozirgi tarkibi haqida:

Hozircha shu yerdagi o'yinchilardan juda mamnunman. Ko'plab yosh, yaxshi, energiya bilan to'la o'yinchilar bor. Mavsum boshlanganda esa barcha tajribali o'yinchilarimiz yetib keladi va ular ham muhim. Oldindagi mavsumni intizorlik bilan kutyapman, shubhasiz...

💭 "Inter" bosh murabbiyi Kristian Kivu Enzo Mareska haqida o'z fikrlari bilan o'rtoqlashdi:

"U avvalroq klubda ishlagan, chunki Pep bilan hamkorlik qilgan. Keyin u o'z murabbiylik faoliyatini boshladi va hozircha o'z vazifalarini a'lo darajada bajarmoqda. Unga "Lester" va "Chelsi"da oson bo'lmadi, ammo u Chempionship va Klublar o'rtasidagi jahon chempionatida g'olib chiqdi. U mos murabbiy, chunki Pep bilan ishlagan va o'z qarashlariga ega. U dunyodagi eng yosh murabbiylardan biri, hali ustida ishlashi kerak bo'lgan jihatlari bor, garchi hozirgacha yaxshi natijalar ko'rsatgan bo'lsa ham".

Enso Mareska Jek Grilishning kelajagi haqida o'z fikrlarini bildirdi:

Jek hozir biz bilan, u «Manchester Siti» futbolchisi. Futbolchi klubga tegishli ekan, mening vazifam — u bilan murabbiy sifatida ishlash.

Enzo Mareska Rodrining «Manchester Siti»dagi kelajagi haqida fikr bildirdi:

«Katta futbolchilar atrofida doimo mish-mishlar bo'ladi, bu tabiiy hol. Har bir murabbiy o'z jamoasida Rodrini ko'rishni istaydi, chunki u top-futbolchi. Hozir u operatsiya qilinishi kerak, keyin dam oladi va tiklanish jarayonini o'taydi, shundan so'ng u bizga qaytadi».

💭 Fil Foden:

Men uchun kelajagimni «Manchester Siti» bilan bog'lash juda muhim. Bu klubda o'ynash – men doim orzu qilgan narsa va bu libosni kiyish men uchun doimo katta sharaf bo'lib qoladi.

Men shuncha sovrinlar yutilgan tarixiy davrning bir qismi bo'lish baxtiga muyassar bo'lganimni tushunaman, ammo biz doimo kelajakka boqamiz va yanada ko'proq g'alaba qozonishga intilamiz.

Men faqat klubga, xodimlarga, jamoadoshlarimga va muxlislarga minnatdorchilik bildira olaman. Ular menga ishonishda va tayanishda davom etishmoqda, men esa «Siti» uchun bor kuchimni berayotganimni bilishadi va umid qilamanki, kelgusi yillar davomida buning evazini qaytara olaman.

Men Entso bilan yana ishlash imkoniyatini intiqlik bilan kutyapman. U trebl yutgan mavsumimizda o'zini ajoyib ko'rsatgandi – barcha o'yinchilar uni hurmat qilishardi va u bilan ishlashni yoqtirishardi. Uning bu yerga qaytishi – ajoyib yangilik.

Shaxsan men murabbiylarimiz va jahon darajasidagi jamoamiz bilan ishlash orqali juda ko'p narsani o'rganganimni bilaman. Faoliyatimni endi boshlaganimda shu yerda bo'lgan ko'plab afsonalar ketar ekan, men ushbu buyuk klubdagi faoliyatimning navbatdagi bosqichini intiqlik bilan kutyapman.