Yan Paul van Xekke «Tottenxem» bazasiga yetib keladi
Yan Paul van Xekke bugun «Tottenxem Xotspur» bazasiga yetib keladi.
Yan Paul van Xekke bugun «Tottenxem Xotspur» bazasiga yetib keladi.
#Yan Paul van Xekke — yangiliklari
Chap ustun yangiliklari
O'ng ustun yangiliklari
Yan Paul van Xekke: "Tottenxem"ga o'tganimdan juda xursandman"
Yan Paul van Xekke "Tottenxem"ga o'tishi, Roberto De Dzerbi bilan qayta ishlash va jamoaga moslashuvi haqida gapirdi.
Yan Paul van Xekke:
"Men hozir bu yerda ekanligimdan xuddi transfer amalga oshgan paytdagidek xursandman. Hammani ko'rishni intiqlik bilan kutgandim va bugun, ilk kunimda meni juda iliq kutib olishdi. Ha, men haqiqatan ham juda baxtliman".
O'zining jamoaga nimalar bera olishi haqida:
"Avvalo, men himoyachiman, demak, o'z vazifalarimni yaxshi bajarishim kerak. Men uchun eng muhimi — jarima maydonchamizni ishonchli himoya qilish, oldindan harakat qilish va agressiv o'ynash".
"To'p bilan muomalaga kelsak, men uni chiziqlar orqali oldinga surish va hujumni himoyadan boshlashni yaxshi bilaman deb o'ylayman. Bu mening kuchli tomonlarimdan biri".
Mikki van de Ven bilan munosabatlari haqida:
"Mikki bilan to'rt-besh yil oldin, Niderlandiya U21 yoshlar terma jamoasida birga ko'p o'ynaganimizda tanishganmiz. Aynan o'sha paytda bir-birimizni yaqindan bila boshlaganmiz".
"Biz darhol til topishib ketdik va hazil tariqasida bir kun kelib albatta bitta jamoada o'ynashimizni aytardik. Mana, nihoyat, bu sodir bo'ldi. U ham juda xursand. U meni juda iliq kutib oldi. Klub va muxlislar haqida juda ko'p yaxshi gaplarni aytib berdi".
Xavi Simonsning qo'llab-quvvatlashi haqida:
"Xavini terma jamoadan bilaman. Biz allaqachon ko'rishdik va u ham menga yordam taklif qildi. U: 'Agar senga qandaydir yordam kerak bo'lsa, men doim yoningdaman', dedi. Yangi jamoada bir nechta tanish odamlar bo'lishi juda yaxshi".
Roberto De Dzerbi haqida:
"Biz so'nggi bir necha yil davomida aloqada bo'lib turdik, chunki o'rtamizda yaxshi munosabatlar bor. "Brayton"da birga ajoyib ishlaganmiz va "Tottenxem"ga o'tganimdan hamda u bilan yana ishlash imkoniyatiga ega bo'lganimdan juda xursandman, chunki u ajoyib murabbiy".
"Men u bilan yana ishlashni intiqlik bilan kutyapman".
"Avvalo, uni haqiqatan ham ajoyib murabbiy deb bilaman. U jamoasi o'yinini qanday shakllantirishi va qanday futbol ko'rishni istashi menga yoqadi. O'ylaymanki, bu uslub menga juda mos keladi".
"Bundan tashqari, uning futbolga bo'lgan qarashi ko'p jihatdan meniki bilan bir xil deb o'ylayman. Bu sabablardan biri. Va har bir inson uning futbolga qanchalik berilganini ko'ra oladi deb o'ylayman. Men ham bu ishtiyoqni baham ko'raman, shuning uchun ham biz bir-birimizga juda mosmiz".
Roberto De Zerbi: "Tottenxem" bilan yangi loyihani boshlayapmiz"
Roberto De Zerbi "Tottenxem"dagi yangi loyihasi, transferlar va jamoaning kelajakdagi maqsadlari haqida gapirdi.
Roberto De Zerbi:
Biz juda kuchli jamoa qurish g'oyasi bilan yonyapmiz. Hozir bu jarayonni yakunlashimiz kerak, ish hali tugagani yo'q.
Ayni damda transfer kampaniyamizdan, ham kelgan, ham ketgan futbolchilardan juda mamnunman. Qilgan ishlarimizdan faxrlanaman va kayfiyatim ijobiy.
Muxlislar bilan aloqasi haqida:
Men ulkan mas'uliyatni his qilyapman, chunki "Tottenxem"ga kelganimdan beri ular menga juda ko'p mehr ko'rsatishdi. Bu klub murabbiyi bo'lish men uchun haqiqiy zavq.
Roberto De Zerbi har bir futbolchiga mavsumoldi tayyorgarligida o'zini ko'rsatish uchun imkoniyat berilishini aytdi:
Har kimda menga qanchalik jiddiy ekanligini va bu buyuk klubda o'ynashga loyiqligini ko'rsatish imkoniyati bor.
Maydonda ism va familiyaning umuman ahamiyati yo'q.
Sandro Tonali "Tottenxem"ga o'tishga qanday ko'ndirilgani haqida:
Men futbolchilarning fikrlarini tushunishim kerak... Tonali katta ambitsiyalar bilan katta klubda o'ynashi kerak.
Mateush Fernandes haqida:
Mateush Fernandes uchun bu faoliyatidagi muhim bosqich, chunki barcha sifatlarini namoyon etishi uchun unga o'ziga xos o'yin uslubi kerak.
Yan Paul van Xekke haqida:
Van Xekke men uchun o'g'limdek, chunki biz ikki mavsum bir jamoada ishlaganmiz. Uni shaxs sifatida juda yaxshi bilaman.
Endi Robertson va Markos Senesi haqida:
Robertson bizga xarakter hamda g'alaba qozonish odatini, yuqori darajada kurashishni beradi. Senesi esa, uning o'yin uslubi, Premer-ligadagi tajribasi va sifatlari – u biz uchun juda muhim bo'lishi mumkin deb hisoblayman.
Roberto De Zerbi:
Hozir biz o'yin uslubimizni, sifatni va tashkilotchilikni rivojlantirishimiz kerak. Bu jarayonning muhim qismi, chunki biz yangi yo'limizni quryapmiz.
Roberto De Zerbi:
"Tottenxem" murabbiyi bo'lish – zavq, lekin shu bilan birga natija uchun, maydonga tushganimizda faxr uyg'otishimiz uchun va buyuk "Tottenxem"ni qurish uchun mas'uliyatni his qilaman.
Roberto De Zerbi:
"Tottenxem" Premer-liga jadvalining yuqori qismida o'rin olish uchun kurashishga loyiq deb hisoblayman.
Roberto De Zerbi mavsum boshlanishi oldidan juda ijobiy kayfiyatda:
Biz ulkan salohiyatga ega jamoani quryapmiz, unga yangi futbolchilar va eng muhimi, yuqori saviyadagi o'yinchilar kelmoqda.
Hozir biz yangi loyiha va klub tarixidagi yangi sahifani boshlayapmiz. O'tgan mavsumning so'nggi yetti o'yinida kelganimda vaqt yo'q edi, o'yin g'oyalari va usullari bo'yicha ortiqcha bosim o'tkazish uchun to'g'ri palla emasdi. Ammo endi vaqtimiz bor va har kimda barcha kerakli narsalar mavjud.
Hammasi to'g'ri yo'nalishda ketyapti va biz o'yin sifati bo'yicha yaxshilanish uchun to'g'ri joydamiz, chunki men o'yin sifatiga to'liq ishonaman. Bu chiroyli futbolni shunchaki atmosfera yoki jurnalistlar uchun ko'rsatishdan ko'ra natijaga erishishning eng yaxshi yo'li... Mutlaqo yo'q. Men o'yin uslubi va maydondagi yaxshi tashkilotchilik natijalarga erishish, o'yindan zavq olish, shuningdek, barchamiz bir tilda gaplashib, bir jamoa bo'lishimiz uchun eng yaxshi vosita ekanligiga ishonaman.