#Mikki van de Ven — yangiliklari

Mikki van de Ven o'zining mavsumdagi maqsadlari bilan o'rtoqlashdi:

Shaxsiy nuqtai nazarimdan, eng muhimi — butun mavsum davomida sog'lom qolish, imkon qadar ko'proq o'yinlarda maydonga tushish va jamoa uchun muhim o'yinchi bo'lish.

Alasder Gold xabariga ko'ra.

Yan Paul van Xekke bugun «Tottenxem Xotspur» bazasiga yetib keladi.

🎤 Mikki van de Ven klubning yangi mavsum oldidan ambitsiyalari haqida:

Klubda o'zgarishlar ro'y berganini ko'rish juda yoqimli. Klubda yangi ambitsiyalar paydo bo'lganini ko'rish mumkin. Bu uzoq vaqtdan beri shu yerda bo'lgan o'yinchilar uchun juda muhim.

O'tgan mavsum juda og'ir va keskin o'tdi. Biz tomondan bu qabul qilib bo'lmas holat edi, shuning uchun hammasini ortda qoldirib, yangi mavsumni toza sahifadan boshlash biz uchun ko'p narsani anglatadi.

🎤 Roberto De Dzerbi qo'l ostidagi hujumkor futbol haqida:

O'yin avvalgi murabbiy davridagidan farq qiladi. Biz to'p bilan ko'proq ishlaymiz, ko'proq futbol o'ynaymiz. O'ylaymanki, muxlislarga ham tomosha qilish qiziqroq bo'ladi, chunki biz hujumkor futbol namoyish etamiz.

U [De Dzerbi] jamoamizga ko'p ishtiyoq, maydondagi hissiyotlar va mentalitet nuqtai nazaridan ko'p narsa olib kirganini ko'rish mumkin. Barchamiz tushkun kayfiyatda bo'lganimiz uchun bizga aynan shu narsa kerak edi.

U ko'plab ijobiy energiya olib kelmoqda va mavsumoldi tayyorgarlik tufayli uning futbol falsafasini jamoaga singdirish uchun vaqtimiz yetarli. Bu juda ajoyib.

🎤 Jamoadagi ijobiy muhit haqida:

Rostini aytsam, jamoada hozir muhit shunchaki a'lo darajada. U bilan ishlash menga juda yoqmoqda. Jamoaga kelgan yangi o'yinchilar ham o'zlarini ajoyib tarzda ko'rsatishdi. Ular jamoaga juda yaxshi kirishib ketishdi.

🎤 Yangi mavsumdagi shaxsiy va jamoaviy maqsadlar haqida:

Tottenxem har yili yevrokuboklarda o'ynashi kerak bo'lgan jamoa, shuning uchun yevrokuboklar o'rinlari uchun kurashishimiz aniq.

Eng muhimi — o'z futbolimizni ko'rsatish va raqib uchun o'ynash qiyin bo'lgan jamoaga aylanish.

Shaxsan men shunchaki butun mavsum davomida sog'lom qolishni, imkon qadar ko'proq o'yinlarda maydonga tushishni va jamoaning muhim qismi bo'lishni istayman. Qolganini esa vaqt ko'rsatadi.

Yan Paul van Xekke:

"Men hozir bu yerda ekanligimdan xuddi transfer amalga oshgan paytdagidek xursandman. Hammani ko'rishni intiqlik bilan kutgandim va bugun, ilk kunimda meni juda iliq kutib olishdi. Ha, men haqiqatan ham juda baxtliman".

O'zining jamoaga nimalar bera olishi haqida:

"Avvalo, men himoyachiman, demak, o'z vazifalarimni yaxshi bajarishim kerak. Men uchun eng muhimi — jarima maydonchamizni ishonchli himoya qilish, oldindan harakat qilish va agressiv o'ynash".

"To'p bilan muomalaga kelsak, men uni chiziqlar orqali oldinga surish va hujumni himoyadan boshlashni yaxshi bilaman deb o'ylayman. Bu mening kuchli tomonlarimdan biri".

Mikki van de Ven bilan munosabatlari haqida:

"Mikki bilan to'rt-besh yil oldin, Niderlandiya U21 yoshlar terma jamoasida birga ko'p o'ynaganimizda tanishganmiz. Aynan o'sha paytda bir-birimizni yaqindan bila boshlaganmiz".

"Biz darhol til topishib ketdik va hazil tariqasida bir kun kelib albatta bitta jamoada o'ynashimizni aytardik. Mana, nihoyat, bu sodir bo'ldi. U ham juda xursand. U meni juda iliq kutib oldi. Klub va muxlislar haqida juda ko'p yaxshi gaplarni aytib berdi".

Xavi Simonsning qo'llab-quvvatlashi haqida:

"Xavini terma jamoadan bilaman. Biz allaqachon ko'rishdik va u ham menga yordam taklif qildi. U: 'Agar senga qandaydir yordam kerak bo'lsa, men doim yoningdaman', dedi. Yangi jamoada bir nechta tanish odamlar bo'lishi juda yaxshi".

Roberto De Dzerbi haqida:

"Biz so'nggi bir necha yil davomida aloqada bo'lib turdik, chunki o'rtamizda yaxshi munosabatlar bor. "Brayton"da birga ajoyib ishlaganmiz va "Tottenxem"ga o'tganimdan hamda u bilan yana ishlash imkoniyatiga ega bo'lganimdan juda xursandman, chunki u ajoyib murabbiy".

"Men u bilan yana ishlashni intiqlik bilan kutyapman".

"Avvalo, uni haqiqatan ham ajoyib murabbiy deb bilaman. U jamoasi o'yinini qanday shakllantirishi va qanday futbol ko'rishni istashi menga yoqadi. O'ylaymanki, bu uslub menga juda mos keladi".

"Bundan tashqari, uning futbolga bo'lgan qarashi ko'p jihatdan meniki bilan bir xil deb o'ylayman. Bu sabablardan biri. Va har bir inson uning futbolga qanchalik berilganini ko'ra oladi deb o'ylayman. Men ham bu ishtiyoqni baham ko'raman, shuning uchun ham biz bir-birimizga juda mosmiz".