Inter futbolchisi Luka Topalovich murabbiyning taktik ko'rsatmalari va jamoadagi o'zaro munosabatlar haqida fikr bildirdi.
Luka Topalovich o'yin uslubi va jamoadagi muhit haqida gapirdi:
Murabbiy menga to'liq erkinlik bilan o'ynashga va to'pni qabul qilib, sheriklarimni topish uchun ortga qaytishga ruxsat beradi. Hamma menga yordam berdi va butun jamoa bilan ajoyib munosabatdaman. Ayniqsa, Zelinski bilan.
Ushbu yig'indagi har bir mashg'ulot oyoqlarimni biroz charchatdi. Bu og'ir o'yin bo'ldi. Balki yig'indan biroz charchaganmiz, lekin biz har doim g'alaba qozonishni istaymiz. Bu ajoyib atmosfera va ko'plab muxlislar qarshisida o'tgan yaxshi o'yin bo'ldi. Biz yaxshi o'ynadik va g'alaba qozondik — eng muhimi shu.
Inter yarimhimoyachisi Pyotr Zelinski yangi mavsumdagi maqsadlari va jahon chempionati finalida kimga muxlislik qilishi haqida gapirdi.
Inter yarimhimoyachisi yig'inlar boshlanishi, yangi mavsumdagi maqsadlar va jahon chempionati finali haqida gapirdi.
Jamoamiz har doim maksimal darajaga intilishi, barcha turnirlarda g'alaba qozonishi kerak. Nima bo'lishini ko'ramiz. O'tgan mavsum Chempionlar ligasidagi ishtirokimiz darajamizdan past bo'lgani aniq: bundan yuqoriroq natija ko'rsatishimiz kerak.
- Marotta va Kivu chempionatda g'olib chiqish kerakligini yashirishmayapti.
Men ham yashirib o'tirmayman. G'alaba qozonish qanchalik yoqimli ekanligini hammamiz bilamiz, «skudetto», Italiya Kubogini qo'lga kiritish va Chempionlar ligasida yaxshiroq ishtirok etish uchun bor kuchimizni ishga solamiz.
- Stankovich haqida nima deya olasiz?
U ajoyib futbolchi ekanligi darrov ko'rinib turibdi. Sifatli, texnikali, jismonan baquvvat – maydon markazidagi o'yinchi aynan shunday bo'lishi kerak. U bizga yordam beradi. O'zimga kelsak, o'tgan yilgi holatimdan yaxshiroq o'ynashga va jamoa natijasiga yanada ko'proq ta'sir o'tkazishga harakat qilaman.
- Finalda Lautaro uchun muxlislik qilasizmi?
Bu bahsda jamoadoshimiz maydonga tushadi – ha, biz unga muxlislik qilamiz. Garchi avvalroq Fabian Ruis bilan bir jamoada o'ynagan bo'lsam ham. Ajoyib final bo'ladi: Argentina va yarimfinal taqdirini hal qilgan Lauti uchun muxlislik qilamiz. Unga finalda g'alaba golini urishini tilayman, u bunga loyiq! Umid qilamanki, u o'zining ikkinchi jahon chempionligini qo'lga kiritadi.
«Inter» yosh iqtidor egasi Luka Topalovich o'zining rivojlanishi, murabbiy Kristian Kivu va jamoadoshi Pyotr Zelinski haqida gapirdi.
Luka Topalovich: «O'tgan chempionatdagi so'nggi daqiqalardagi assistim menga qattiq shug'ullanish va asosiy tarkibda o'zimni ko'rsatish uchun turtki berdi. Mister Kivu bizga doim yordam beradi, lekin Bolonyadagi o'sha suratda u menga nima deganini sir tutmoqchiman. Zelinski menga juda ko'p yordam bermoqda: ham maydonda, ham maydon tashqarisida, buning uchun unga minnatdorchilik bildiraman».
