#Pedru Netu — yangiliklari

Ben Jeykobs xabariga ko'ra, «Liverpul» hozircha «Chelsi» futbolchisi Pedru Netu transferi bo'yicha muzokaralarga kirishmagan.

Avvalroq Mail jurnalisti Kiran Gill «Liverpul» va «Manchester Siti» portugaliyalik vingerga qiziqish bildirayotgani haqida yozgandi.

Gillning ta'kidlashicha, ushbu qiziqish bozorda yuqori saviyali vingerlar yetishmovchiligi bilan bog'liq. Shuningdek, klublar Barkolya va Diomande kabi futbolchilar uchun qancha mablag' talab qilayotganidan xabardor. Jurnalistning qo'shimcha qilishicha, Netu narxi ular kabi qimmat bo'lmasligi mumkin, ammo baribir katta mablag' talab etiladi.

«Chelsi» klubi 100 million funtdan ortiqroq narxni belgilashni ko'rib chiqmoqda. Bu ham bozor real holati, ham raqib klubga o'tish ehtimoli bilan bog'liq. Hozircha futbolchi uchun yakuniy narx belgilanmagan.

😍 Pedro Netu «Manchester Siti»ning qanot hujumini kuchaytirish bo'yicha asosiy nishonlaridan biri hisoblanadi.

✍️ Shuningdek, klubning qisqa ro'yxatidan «PSJ» futbolchisi Ibraim Mbaye va «RB Leyptsig» vakili Yan Diomande ham o'rin olgan.

DailyMail xabariga ko'ra, bozorda sifatli o'ng qanot vingerlari yetishmovchiligi fonida Liverpul va Siti Chelsi futbolchisi Pedru Netuga qiziqish bildirmoqda.

Biroq asosiy nomzod baribir Barkolya bo'lib qolmoqda. Fabrisio Romano tasdiqlashicha, fransiyalik futbolchi aynan Liverpulga o'tishni istaydi. Fabrisio transfer summasi hozirda so'ralayotgan narxdan pastroq bo'lishini kutmoqda.

Chelsi Pedru Netu uchun sezilarli darajada katta mablag' talab qilishga tayyor. Bunga futbolchiga Liverpul va Manchester Siti tomonidan qiziqish bildirilayotgani sabab bo'lmoqda.

Londonliklar Netuga bo'lgan qiziqish haqidagi xabarlardan ajablanishmayapti, biroq uni arzon narxda qo'yib yuborish niyatida emaslar. Klub joriy transfer oynasida vingerlar narxi qanchalik oshganini inobatga olmoqda.

Chelsi futbolchini sotuvga qo'ymagan, ammo Yan Diomande va Bredli Barkolyaning transfer qiymatiga qarab ish ko'rmoqda. Bu o'yinchilar 100 million funt sterlingdan ortiqroqqa baholanmoqda.

Netu bunchalik qimmat turmasligi mumkin, biroq bu raqamlar Chelsi uchun futbolchining bozor qiymati borasida tushuncha bermoqda. Klub hozircha aniq narxni belgilamagan.

Manchester Siti va Liverpuldan tashqari, Netuga Saudiya Arabistoni klublari ham qiziqish bildirmoqda. Chelsi bunday qiziqishni bozorda yuqori saviyali vingerlar yetishmovchiligi bilan izohlamoqda.