#Kristian Falk — yangiliklari

🖥 Kristian Falk xabariga ko'ra: "Ayrim OAVlardagi ma'lumotlarga qaramay, Bavariya yozgi transfer oynasida Vinisiusni o'z safiga qo'shib olishdan manfaatdor emas.

Myunxenliklar 26 yoshli vingerga bunchalik yuqori maosh to'lash niyatida emas. Qolaversa, Bavariyada jamoa ichidagi muhitga salbiy ta'sir ko'rsatishi mumkin bo'lgan o'yinchilarga nisbatan doimo ehtiyotkorlik bilan munosabatda bo'lishgan.

Kristian Falk xabariga ko'ra, Jyul Kunde bir necha yildan buyon «Bavariya» ro'yxatida turibdi. Myunxen klubi uning mahoratini yuqori baholaydi, ammo hozirgi vaqtda bir nechta futbolchini sotib yubormasdan turib, hech qanday qadam tashlay olmaydi.

Klub ixtiyorida Sacha Boey, Konrad Laymer va Yosip Stanishich bor.

Agar «Bavariya» Boeyni sota olsa, ehtimol, Kunde uchun harakat qilib ko'rishi mumkin. Ammo hozirda bunday imkoniyat yo'q.

Jivayro Rid ham «Bavariya» ro'yxatidan joy olgan.

Kristian Falk xabariga ko'ra: "Madrid"ning joriy yozda Oliseni o'z safiga qo'shib olish imkoniyatlari xuddi Xoland transferi kabi nolga teng.

Kelasi yozda nimalar bo'lishini kuzatamiz: vinger 2029-yilda yakuniga yetadigan "Bavariya" bilan shartnomasini uzaytiradimi yoki yo'q. Agar Olise klub bilan yangi bitim imzolamasa, myunxenliklar nimadir qilishga majbur bo'lishadi. Balki, ular futbolchini sotishga majbur bo'lishar. Biroq, Olise keyingi mavsumda ham "Bavariya"da qolishi aniq.