#Jon van den Brom — yangiliklari

Jon van den Brom Mes Xilgersning «Tvente»dagi kelajagi haqida o'z fikrlarini bildirdi. Ma'muriy xatolik tufayli himoyachi klub bilan yana bir mavsumga mo'ljallangan shartnomaga ega bo'lsa-da, u mavsumoldi tayyorgarlik jarayonlarida umuman ko'rinish bermayapti.

«Bu haqda ko'p narsa deya olmayman, chunki uni anchadan beri ko'rmadim. Faqat shuni bilamanki, uning klub bilan shartnomasi hali ham kuchda... Ammo u mashg'ulotlarga kelmayapti. Uning uchun ortga yo'l bormi? Yo'q, menimcha unday emas. Lekin bu menga bog'liq holat emas. Hozirgi vaziyat rivojlanishiga qarab, uning qaytishini kutmayapman», — dedi murabbiy.

❌ "Tvente" o'yinchilari va murabbiylar shtabi Bart van Rooy hamda "Ayaks" o'rtasida aloqa bo'lgani haqidagi ma'lumotlarni rad etishdi.

"Ferensvarosh"ga qarshi javob o'yini oldidan o'tkazilgan matbuot anjumanida Jon van den Brom va Daan Rots mish-mishlarga izoh berishdi.

ESPN xabariga ko'ra, "Ayaks" van Rooy bilan bog'lanmagan, garchi avvalroq buning aksi haqida xabarlar tarqalgan bo'lsa ham.