Zeki Chelik «Roma» bilan xayrlashib, «Yuventus»ga o'tdi

Zeki Chelik «Roma» bilan xayrlashdi va «Yuventus» bilan shartnoma imzoladi, bu ko'pchilik uchun kutilmagan holat bo'ldi.

Turkiyalik himoyachi ijtimoiy tarmoqlardagi sahifasida «jallorossi» bilan xayrlashuv maktubini e'lon qildi:

«Qadrli «Roma» muxlislari, bugun ushbu buyuk oila bilan xayrlashar ekanman, ta'riflash qiyin bo'lgan his-tuyg'ularni boshdan kechirmoqdaman. «Roma» libosini kiyish, bu ranglar uchun kurashish va maydonga tushish men uchun katta sharaf va faxr edi. Ushbu klubda o'tkazgan har bir kunim ham o'yinchi, ham shaxs sifatida o'sishimga yordam berdi. Biz birgalikda unutilmas damlarni boshdan kechirdik. «Roma»ning UEFA Chempionlar ligasiga qaytishiga o'z hissamni qo'shganimdan doimo faxrlanaman».

«Barcha jamoadoshlarimga, klub uchun har kuni mehnat qilayotgan barcha xodimlarga, sport direktorlariga, shuningdek, men bilan ishlash baxtiga muyassar bo'lgan barcha murabbiylar va texnik xodimga chin dildan minnatdorchilik bildiraman. Har biringiz faoliyatim va hayotimda abadiy qolasiz. Meni ushbu libosni kiyish imkoniyati bilan ta'minlagan Joze Mourinyuga alohida minnatdorchilik. Shuningdek, menga o'rgatgan barcha narsalari, ko'rsatgan ishonchi va qo'llab-quvvatlashi uchun Daniele De Rossi, Ivan Yurich va Klaudio Raneriga ham tashakkur aytaman».

«Yakunda Jan Pero Gasperiniga alohida minnatdorchilik bildirmoqchiman. Garchi biz uzoq vaqt birga ishlamagan bo'lsak-da, u menga ko'rsatgan ishonch, samimiyat va hurmat men uchun juda katta ahamiyatga ega edi. Unga doimo minnatdor bo'laman. Endi faoliyatimda yangi bobni boshlash vaqti keldi. Ammo men ushbu klubni, bu shaharni va barchangizni doimo qalbimda saqlayman. «Roma»ga kelgusi faoliyatida muvaffaqiyatlar tilayman. Barchangizga chin yurakdan rahmat. Zeki Chelik».