Gasperini Sky Sportga intervyu berdi

🎙Bugungi Sky Sportga bergan intervyusida Gasperini jamoasining maqsadlari, transfer bozori va Trigoriyadagi yig‘indan oldingi kutilmalari haqida gapirib o‘tdi.

💬 Chempionlar ligasiga yo‘llanma va yangi mavsum haqida:

🗣 «Biz hali ham ta’tildamiz, u kelasi dushanba kuni tugaydi. Biroq ta’til kunlari bir xilda o‘tmadi: xayolimizning ko‘p qismi yangi mavsum bilan band. Chempionlar ligasiga yo‘llanma olganimizdan keyin asosiy plandagi jamoaga aylanishni va mavsumni a’lo darajada o‘tkazishni xohlaymiz».

💬 Yangi sport direktori D'Amiko bilan tez-tez gaplashib turibsizlarmi?

🗣 «Tez-tez gaplashib turibmiz, shuningdek, klub egalari bilan ham doimiy aloqadamiz. Hammamizning e’tiborimizni tortgan Jahon chempionatidan keyin transfer bozori kelasi haftadan chinakamiga qiziydi».

💬 Shartnomalarni uzaytirish bo‘yicha hozirgi holat qanday?

🗣 «Buni klub rasman e’lon qiladi, lekin hammamiz birgalikda oldinga intilishdan xursandmiz. Bu shunchaki bir necha kunlik masala».

💬 Transfer bozorida hujumkor vingerlar siz uchun ustuvor vazifami?

🗣 «O‘ylashimcha, «Roma» jamoaning yaxshi o‘zagiga, juda ahil va raqobatbardosh tarkibga ega ekanligini ko‘rsatdi. Egalarining maqsadi — jamoani maksimal darajada kuchaytirish. D'Amiko «Roma» muxlislarini xursand qilishga juda qiziqmoqda».

💬 «Yuventus» bilan o‘yindan keyin jamoaning ruhiyatini qanday ko‘tara oldingiz?

🗣 «Agar e’tibor bersangiz, Chempionlar ligasi yo‘lidagi 38 ta o‘yin davomida bu jamoada qiyin lahzalar unchalik ko‘p bo‘lmadi. Biz ajoyib start oldik. Fevral oyini hisobga olmaganda, hamma safga qaytishi bilan jamoa daho darajasida o‘yin ko‘rsatdi».