Xose Ignasio Navarro: "Yangi futbolchilarni ro'yxatdan o'tkazish uchun kimnidir sotishimiz kerak"
Xose Ignasio Navarro yangi futbolchilarni ro'yxatdan o'tkazishdagi muammolar va transferlar bo'yicha vaziyatga izoh berdi.
🎙️Xose Ignasio Navarro yangi futbolchilarning taqdimotiga bag'ishlangan matbuot anjumanida quyidagilarni ta'kidladi:
«To'rt nafar yangi futbolchini tarkibga qo'shib olish asosiy vazifamiz edi, biz buni bosh maqsad deb belgilagan edik. To'g'ri, bu kuchaytirishlar o'tgan mavsumdan buyon rejalashtirilgan edi».
«Biz hali ham Akor Adams va Nyanzu bo'yicha muzokaralarni davom ettiryapmiz, hozircha hech narsani yakunlangan deb bo'lmaydi. Nyanzu masalasida esa, bu shartnomani bekor qilish bo'ladimi yoki sotuv, hali aniq emas».
«Patrik Merkado? Hech qachon va hech qayerda transfer muddatlari haqida gap ketmagan. Ehtimoliy transfer bo'yicha kelishuvga erishilgan, ammo kerakli shartlar hali bajarilmagan».
«Xoan Xordan? Uning agentligi qanday harakat qilmoqchiligini bilmaymiz. Biz vaziyatni unga va murabbiy hisobga olmayotgan boshqa futbolchilarga tushuntirib o'tdik».
«Ayni damda Xuanlu bo'yicha birorta ham taklif olganimiz yo'q. Shuningdek, hozirgi holatda to'rt nafar yangi futbolchining birortasini ham ro'yxatdan o'tkaza olmaymiz, kimnidir sotishimizga to'g'ri keladi».
«Mir masalasiga kelsak, «Sevilya» va uning o'zi uchun eng maqbul variantni qidirish bilan bandmiz».
«Oso biz bilan amaldagi shartnomaga ega. «Sevilya» Kastrin va Oso bilan hamkorlikni davom ettirish niyatida».
«Bizning maqsadimiz ish haqi fondini bo'shatish emas, balki sport natijalariga erishishdir».