#Ugo Viana — yangiliklari

Ugo Viana Abduqodir Husanov haqida:

Abduqodir Manchesterga kelganidan beri o'yinini yaxshilab borayotganidan juda xursandmiz va taassurotlarimiz yuqori.

U ham shaxsiy, ham o'yin jihatidan rivojlanib borayotganini ko'ryapmiz, ammo bu hali boshlanishi ekanini bilamiz.

Uning jismoniy va texnik mahorati yuqori darajada, unda jahon darajasidagi markaziy himoyachiga aylanish uchun barcha narsa bor.

U atigi 22 yoshda, eng yaxshi davrlari hali oldinda va uning o'sish salohiyati barchaga ayon. Aynan shuning uchun ham u Manchester Siti bilan yangi shartnoma imzolaganidan juda xursandmiz va yaqin yillarda u yangi murabbiyimiz rejalarining muhim qismiga aylanishiga umid qilamiz.

Ugo Viana:

Jeremi — o'zining yosh karyerasida katta muvaffaqiyatlarga erishgan va'dali futbolchi. Klubimiz uni anchadan beri kuzatib keladi. U "Lester" safida o'ynaganida biz uning qobiliyatiga o'z ko'zimiz bilan guvoh bo'lganmiz. Hozir u atigi 17 yoshda. Ishonchimiz komilki, u o'sishda davom etadi va bu uning karyerasidagi to'g'ri qadamdir. Biz unga har tomonlama yordam berishga tayyormiz.

MEN nashri jurnalisti Aleks Jeymsning yozishicha, Monga Osiyo bo'ylab tashkil etiladigan turnega yo'l oladi. Shundan so'ng uning kelajagi borasida yakuniy qaror qabul qilinadi.

"Manchester Siti" sport direktori Ugo Viana Fil Foden haqida o'z fikrlarini bildirdi:

"Manchester Siti"dagi barchamiz Fil bilan nihoyatda faxrlanamiz.

U akademiyamizdagi eng yaxshi fazilatlarni o'zida mujassam etgan. U noyob iqtidor egasi va uning ijodkorligini tomosha qilish zavq bag'ishlaydi.

Ammo uning hech bir yutug'i maqsad sari intilish, fidoyilik va kamtarliksiz amalga oshmas edi. Aynan shu fazilatlar unga istalgan vaqtda qattiq ishlash va murabbiylarimiz hamda jamoadoshlarimizdan olgan barcha bilimlarni o'zlashtirish imkonini beradi.

Fil "Siti"ga to'qqiz yoshida kelganini hisobga olsak, uning uzluksiz muvaffaqiyati klubimizning barcha jabhalarida nishonlanadi — uning rivojlanishiga yordam bergan akademiya xodimlaridan tortib, butun yo'l davomida uni qo'llab-quvvatlagan "Siti" muxlislarigacha.

26 yoshida uning rivojlanishi davom etmoqda va biz Fil yaqin yillarda qanday darajadagi futbolchiga aylanishini intiqlik bilan kutmoqdamiz".