Suso «Inter»ga o'tish taklifini rad etganini ma'lum qildi
«Milan»ning sobiq futbolchisi Suso faoliyati davomida «Inter»dan tushgan taklifni rad etganini aytdi.
«Milan»ning sobiq yarim himoyachisi «Inter» uni o'z safiga qo'shib olmoqchi bo'lganini tan oldi. 😮
Ma'lum bo'lishicha, o'sha vaqtda «neradzurrilar» ustozi bo'lgan Luchano Spalletti ispaniyalik futbolchini jamoaga o'tishga ko'ndirish uchun shaxsan qo'ng'iroq qilgan. 📞
«Inter» kabi klubning seni o'z safida ko'rishni istashi — bu faxrlanarli holat. Ammo men «Milan»da o'ynaganman, shu bois ularga «yo'q» deb javob berdim. «Rossonerilar» libosida boshdan kechirganlarimdan so'ng, «Inter»ga o'tish noto'g'ri ish bo'lardi», — dedi Suso.