Roma Manu Kone ketishi mumkinligi sababli yangi nomzodlarni ko'rib chiqmoqda
«Roma» Manu Kone ketgan taqdirda uning o'rniga Arne Engels yoki Danilo Santosni olib kelishni rejalashtirmoqda.
Ilmessaggero.it xabariga ko'ra, Manu Kone jamoani tark etishi mumkinligi sababli «Roma» yarim himoyani kuchaytirish choralarini ko'rmoqda. Fransiyalik futbolchining sotilishi Fridkinlar oilasiga UEFA bilan bog'liq masalalarni hal qilishda yordam beradi, ammo bu holatda tarkibga yangi o'yinchi kerak bo'ladi.
Manbaga ko'ra, rimliklar «Seltik» futbolchisi Arne Engels hamda «Botafogo» vakili Danilo Santos nomzodlarini diqqat bilan kuzatib borishmoqda.