Aleksandr Golovin «Monako»ni tark etishi mumkin
L'Equipe xabariga ko'ra, «Monako» yarim himoyachisi Aleksandr Golovin yozda klubni tark etishi mumkin. Unga Italiya klublaridan qiziqish bor.
L'Equipe xabariga ko'ra, Aleksandr Golovin uchun «Monako»dan ketish eshiklari ochiq qolmoqda.
«Monako» futbolchini 25 million yevro evaziga sotib yuborish imkoniyatini ko'rib chiqmoqda. Rossiya va Saudiya Arabistoni klublari allaqachon qiziqish bildirgan, shuningdek, kurashga Italiya klublaridan biri ham qo'shilgan.
Ushbu qarorning asosiy sabablaridan biri — jamoa maoshlar fondini qisqartirish istagi.