Krisensio Sammervill Saudiya Arabistoniga o'tishi mumkin
Krisensio Sammervill faoliyatini Saudiya Arabistonida davom ettirishi mumkin. «Al-Hilol» futbolchi uchun «Roma»dan ko'ra yaxshiroq shartlar taklif qilmoqda.
Krisensio Sammervill atrofidagi transfer mish-mishlari davom etmoqda.
Saudiya Arabistonida bitim muvaffaqiyatli yakunlanishiga bo'lgan ishonch ortib bormoqda: Eleonora Trotta xabariga ko'ra, «Al-Hilol» niderlandiyalik vingerga ega chiqishiga ishonchi komil. Niderlandiyadan kelayotgan signallar ham shundan dalolat bermoqda.
Ad.nl ma'lumotiga ko'ra, bitimga yaqin manbalar Sammervill «Roma» taklifini rad etib, faoliyatini Saudiya Arabistonida davom ettirishini kutmoqda. O'yinchi hali yakuniy qarorga kelmagan, biroq so'nggi ma'lumotlar Saudiya klubi foydasiga ishlamoqda. Bunga «Vest Xem» bilan erishilgan kelishuv va «Roma»nikidan ancha yuqori bo'lgan maosh taklifi sabab bo'lmoqda.