Australia — yangiliklari

Sky Italia xabariga ko'ra, «Sassuolo» yarim himoyachisi Kristian Volpato Avstraliyada mojaroga aralashib qoldi. Futbolchi tezlikni oshirgani uchun politsiya tomonidan to'xtatilgan.

Manba ma'lumotiga ko'ra, futbolchi Sidney ko'prigida ruxsat etilgan 60 km/soat o'rniga 109 km/soat tezlikda harakatlangan. To'xtatilgandan so'ng, giyohvand moddalar bo'yicha o'tkazilgan test natijasi kokain borligini ko'rsatgan.

Volpatoning haydovchilik guvohnomasi olti oyga olib qo'yildi. Shu bilan birga, alkogol testi salbiy natija bergan, politsiya esa qo'shimcha ekspertiza uchun ikkinchi namuna olgan, uning natijalari hali e'lon qilinmagan.

«Sassuolo» rasmiy bayonot berishdan oldin tergov yakunlarini va futbolchining o'zidan izohlarni kutish niyatida.

«Roma»ning sobiq futbolchisi Kristian Volpato bilan bog'liq muammolar yuzaga keldi.

Volpato Sidneyda tunda yo'l harakati qoidalarini buzgani uchun to'xtatilgan. U o'zining BMW avtomobilini ruxsat etilgan tezlik 60 km/soat bo'lgan hududda 109 km/soat tezlikda boshqargan.

Politsiya darhol spirtli ichimliklar uchun test o'tkazdi (natija salbiy), biroq The Guardian xabariga ko'ra, sobiq «Roma» futbolchisidan olingan narkotik testida kokain aniqlangan.

Yaqin soatlar ichida laboratoriyada yangi namuna tahlil qilinadi; ayni damda esa uning haydovchilik guvohnomasi tezlikni oshirgani uchun olti oyga to'xtatib qo'yildi.

Volpato Avstraliya terma jamoasi safida jahon chempionatida qatnashganidan so'ng ta'tilda edi. Milliy terma jamoa, shuningdek, uni mavsumoldi yig'inlarida kutayotgan «Sassuolo» klubi hozircha hech qanday izoh bermadi.