Manuel Noyer: Yozgi turne nafaqat muxlislar, balki biz uchun ham muhim

Manuel Noyer Janubiy Koreya ommaviy axborot vositalariga bergan intervyusida quyidagilarni ta'kidladi:

Qayerda mashg'ulot o'tkazmaylik yoki o'ynamaylik, muxlislar qayerda bo'lsa, biz ularning oldiga borib, mamnuniyat bilan dastxat beramiz. Biz o'zimizning eng yaxshi tomonimizni ko'rsatmoqchimiz. Ammo, buni qanchalik qadrlamaylik, biz yozgi turneni faqat muxlislar uchun o'tkazmayapmiz.

Biz buni o'zimiz uchun ham qilyapmiz, chunki mavsumoldi tayyorgarligining qizg'in pallasidamiz. Oldinda «Cheju» va keyinroq Gonkongda «Aston Villa»ga qarshi muhim o'yinlarimiz bor. Biz ularga to'liq fidoyilik va intizom bilan yondashamiz.