Joan Laporta yurak muammosidan xalos bo'ldi

Joan Laporta: Hammasi a'lo darajada o'tdi! Menda aritmiyani bartaraf etishdi! Yuragim yana ritmik urmoqda!

«Hospital de Barcelona» shifokorlari, hamshiralari va barcha tibbiyot xodimlariga, xususan, doktor Jordi Morilyasga katta rahmat. Ular ajoyib ish bajarishdi. Ularning professionalligi va chuqur bilimlaridan tashqari, insoniy yondashuvi, mehribonligi, tushunishi, sabri va g'amxo'rligi tibbiyot ruhiga va Gippokrat qasamyodiga mos keladi. Bu Barselona va Kataloniyada biz ham yuqori sifatli ish bajarayotganimizning yana bir isboti. Ayniqsa, «Barsa» tibbiyot xizmati rahbari doktor Ksavye Korbelya hamda barcha ishlarni samarali muvofiqlashtirgan shtab boshlig'im Manana Giorgadzedan faxrlanaman.

Shuningdek, doktor Valenti Fuster va uning «Maunt-Sinay»dagi jamoasiga menga xotirjamlik bag'ishlagan maslahatlari uchun, hamda aritmiyani bartaraf etish uchun zarur bo'lgan muolajani tavsiya qilgan doktor Brugadaga minnatdorchilik bildiraman.

Nihoyat, barcha farzandlarim, aka-ukalarim, opa-singillarim, yaqinlarim va do'stlarimga qo'llab-quvvatlaganlari uchun tashakkur aytaman. Hammangizga katta rahmat — bu ibora hech qachon bunchalik o'rinli bo'lmagan — chin qalbimdan rahmat aytaman. 💙❤️