Shtefan Lixtshtayner: "Bir kun kelib Yuventusni boshqarishni istayman"
Shtefan Lixtshtayner "Yuventus"dagi oltin davri, A Seriyaning saviyasi va kelajakda "byankonerilar"ni boshqarish istagi haqida gapirdi.
Shtefan Lixtshtayner "Yuventus"ga qarshi o'yin oldidan o'z fikrlari bilan o'rtoqlashdi:
"Yuventus"dagi so'nggi natijalar va vaziyat haqida gapiradigan bo'lsam, men hozir buni to'liq baholash uchun juda uzoqdaman. Ammo men ketma-ket to'qqizta chempionlik unvonini qo'lga kiritgan oltin davrimizni juda yaxshi eslayman. Bu Italiya futbolida ilgari hech qachon sodir bo'lmagan voqea edi. Bizda to'g'ri mentalitet bor edi, biz birgalikda g'alaba qozonishni bilardik. Hozirgi jamoaga qandaydir maslahatlar berishim qiyin.
Spalletti? U ajoyib, juda tajribali murabbiy, u g'alaba qozonish ta'mini biladi. Ishonchim komilki, jamoa boshqaruvidagi juda qiyin birinchi yildan so'ng, uni juda muhim va muvaffaqiyatli mavsum kutmoqda.
Men uchun A Seriya hali ham dunyodagi eng yaxshi liga bo'lib qolmoqda. Shunchaki Italiya futboli so'nggi o'n yillikda nimaga erishganiga qarang: "Yuventus" ikki marta Chempionlar ligasi finalida o'ynadi, "Inter" ham finalga chiqdi, "Atalanta" Yevropa ligasini yutdi, "Roma" yevrokubokni qo'lga kiritdi, "Fiorentina" esa Konferensiyalar ligasi finaliga chiqdi.
Hammasi ko'ringanidek yomon emas. Balki hozir terma jamoa natijalari tufayli xavotirga tushish uchun sabablar bordir, ammo men Italiya avvalgidan ham kuchliroq bo'lib qaytishiga ishonaman.
Bir kun kelib "Yuventus"ni boshqarishmi? Albatta. Buni kim ham istamasdi deysiz?"