«Chelsi» yosh futbolchisi Rejji Uolsh ijara asosida «Uigan» safiga o'tishi mumkin. Bu borada muzokaralar davom etmoqda.
The Chelsea Spot xabariga ko'ra, Rejji Uolsh ijara asosida boshqa jamoaga o'tishga yaqin turibdi. Futbolchi xizmatiga Chempionship va Birinchi liga klublari qiziqish bildirmoqda.
🚨 The Chelsea Spot: Rejji Uolsh ijara asosida o'tishga yaqin. Chempionship va Birinchi liga klublari qiziqish bildirmoqda. Ayni damda «Uigan» poygada yetakchilik qilmoqda.
Reji Uolsh «Chelsi» safidagi taassurotlari, yangi murabbiy bilan ishlash va bolalikdagi orzusi haqida gapirib o'tdi.
🎙️ Reji Uolsh bilan intervyu:
«Menda ilgari hech qachon bo'lmagan joylarni kashf etish imkoniyati paydo bo'ldi. Avstraliyaga safar uzoq davom etdi va vaqt mintaqasiga moslashish uchun bizga biroz vaqt kerak bo'ldi, ammo Sidney menga juda yoqdi. Hozir Gonkongdamiz va yangi taassurotlarni intiqlik bilan kutyapman.
Yosh futbolchi uchun bunday turda qatnashish – bu ajoyib imkoniyat. Har bir mashg'ulot, har bir o'yin va hatto jamoa atrofidagi muhit menga o'rganish hamda rivojlanishimga yordam bermoqda.
Eng yaxshi futbolchilarni har kuni kuzatish – bu juda hayajonli. Men ularning odatlari, mentaliteti va sifatlarini o'zlashtirib, ularni o'z o'yinimga qo'shishga harakat qilyapman.
Mashg'ulotlar juda intensiv, ammo men har bir daqiqadan zavq olyapman. Biz yangi murabbiy bilan ishlayapmiz va ham u, ham uning shtabi bilan barchasi juda yaxshi ketmoqda. Hamma uning qanchalik ajoyib futbolchi bo'lganini biladi. U men tug'ilmasimdan oldin o'ynagan, ammo men uning ko'plab o'yinlarini tomosha qilganman va u futbolga qanchalik ta'sir o'tkazganini tushunaman.
Men ushbu jamoaning bir qismi ekanligimdan juda minnatdorman. Men "Stemford Brij"dan bir necha daqiqalik masofada o'sganman, butun oilam "Chelsi" muxlislari. Men har doim o'yinga muxlis sifatida borardim, shuning uchun o'z klubim safida o'ynash – bu amalga oshgan orzu va men shunchaki bularning davomli bo'lishini istayman».
