#Nabil Bentaleb — yangiliklari

Onze Mondial xabariga ko'ra, «Olimpik Lion» Nabil Bentaleb bilan muzokaralarda oldinga siljimoqda.

Klubsiz qolganiga va «Lill»dan shartnomani uzaytirish bo'yicha taklif olganiga qaramay, Nabil Bentaleb o'z kelajagi borasida o'ylashda davom etmoqda. Jazoirli yarim himoyachi hozirda ta'tilda, unga esa «Olimpik Lion» qiziqish bildirmoqda. Jamoa bosh murabbiyi Paulu Fonseka uni o'z safiga qo'shib olishni istamoqda.

«Lill»da yozda bir nechta muhim futbolchilarning shartnomasi yakuniga yetdi. Toma Menye, Ayssa Mandi, Shansel Mbemba va Nabil Bentaleb mavsum yakunida klubni tark etishdi. Dastlabki ikki futbolchi allaqachon yangi jamoa topdi: Menye «Sanderlend» bilan shartnoma imzoladi, jazoirli himoyachi Mandi esa «Levante»ga o'tdi.

Bentaleb va Mbemba masalasiga kelsak, shartnomani uzaytirish bo'yicha takliflar hali ham kuchda. 16-iyul kuni «Lill» prezidenti Olivye Letang jazoirli yarim himoyachini saqlab qolishni istashini ma'lum qildi:

«Nabil — Lillning farzandi, klubning farzandi. U jamoa qadriyatlariga mos keladigan xarakterga ega juda yaxshi futbolchi. Biz Nabil bilan muzokaralarni davom ettirmoqdamiz».

Bentalebda «Lill»dan yangi shartnoma bo'yicha taklif bor, ammo futbolchi hali yakuniy qarorga kelmagan. Hozirda futbolchi Jazoir terma jamoasi Shveytsariyadan uchralgan mag'lubiyatdan (0:2, 3-iyul) so'ng ta'tilda va shu vaqt ichida bir nechta klublar unga qiziqish bildirdi.

Ular orasida «Olimpik Lion» ham bor. Jamoa bosh murabbiyi Paulu Fonseka yarim himoyachi bilan yana ishlashni istamoqda.

Fonseka va Bentaleb yaxshi tanish: ular 2023/24-yilgi mavsumda «Lill»da birga ishlashgan. Nashr ma'lumotiga ko'ra, portugaliyalik mutaxassisning so'zlari futbolchining qaroriga katta ta'sir ko'rsatmoqda. Bundan tashqari, «Lion» unga shartnoma bo'yicha taklif yuborgan, uning muddati hozircha noma'lum.

Bentalebning ta'tili yakunlanmoqda va yaqin vaqt ichida jazoirli futbolchi o'z kelajagi borasida muhim qaror qabul qilishi kerak.