#Krasnodar — yangiliklari

Dmitriy Vorobyev 200 million rubldan voz kechib, "Krasnodar"ga qaytishga qaror qildi va 10-raqamda to'p suradi. "Spartak", SSKA va "Zenit" qiziqishiga qaramay, futbolchi o'zining ona klubini tanladi. Buning uchun u shaxsiy bonusdan voz kechishga majbur bo'ldi.

Uning transferi masalasi Sergey Galitskiyning Rotenberg bilan bo'lgan qo'ng'irog'idan so'ng hal qilindi. Sergey Nikolayevich futbolchidan «Qancha xohlaysan?» deb so'radi. Vorobyev esa 650 million rubl va 100 million bonus talab qildi. Bungacha "buqalar" 450 million taklif qilayotgan edi. Galitskiy rozi bo'ldi va boshqa variantlar o'z-o'zidan yopildi.

Bugun Vorobyev "Lokomotiv" jamoasi bilan xayrlashdi va "Krasnodar"ga yo'l oldi. Endilikda "Lokomotiv"ning sobiq hujumchisi o'zini tarbiyalagan jamoa safida 10-raqam ostida harakat qiladi, deya xabar bermoqda Karp.

"Krasnodar" "Nant" klubining 23 yoshli franko-aljirli vingeri Benxattabni o'z safiga qo'shib olish bo'yicha muzokaralar olib bormoqda. Rossiya klubi futbolchi uchun 3 million yevro taklif qilmoqda.

Ouest-France xabariga ko'ra, "buqalar" o'tgan yarim mavsumni "Reyms"da o'tkazgan qanot hujumchisi bilan kelishuvga yaqin turibdi. "Krasnodar"dan tashqari, futbolchiga Gollandiya klublari ham qiziqish bildirmoqda.

Avvalroq "Krasnodar" bosh murabbiyi Murad Musayev jamoa hujum chizig'iga yana bir yangi futbolchi kelishini kutayotganini aytib o'tgan edi.