Ferran Torresning kelajagi bo'yicha noaniqliklar saqlanib qolmoqda
Karmen Torres ma'lumotiga ko'ra, «Barselona» Ferran Torresning qarorini kutmoqda. Klub futbolchini olib qolish uchun moliyaviy kurashga kirishmoqchi emas.
Karmen Torres xabariga ko'ra, «Barselona» Ferran Torresning qarorini kutmoqda. Hozirgi vaqtda klub rahbariyati futbolchining kelajakdagi rejalari haqida ma'lumotga ega emas.
Klubdagilar unga shartnomani uzaytirishni taklif qilishlarini, ammo agar u ketishni istab, o'z qiymatiga mos taklif bilan chiqsa, unga qarshilik ko'rsatmasliklarini ta'kidlashmoqda.
PSJ hozircha Ferran bo'yicha rasmiy taklif bilan chiqqani yo'q. «Barsa» rahbariyati uni o'rganib chiqish uchun taklif kelishini kutmoqda.
«Barsa» Ferranga ishonch bildirmoqda, ammo unga PSJ taklif qilishi mumkin bo'lgan maoshni bera olmasligini tushunib turibdi. Klub uni olib qolish uchun kurashga kirishishga tayyor emas.