Erik Xuver: "Gamburg" Fabiu Vieyra uchun kurashmoqda
"Gamburg" moliya direktori Erik Xuver Fabiu Vieyra transferi bo'yicha "Arsenal" bilan muzokaralar davom etayotganini ma'lum qildi.
🗣 Erik Xuver, "Gamburg" moliya direktori:
"O'tgan yili biz Fabiu Vieyraga biroz oshiq bo'lib qoldik. Xuddi har kuni u uchun kurashayotgandekmiz. Biz "Arsenal"ga aniq moliyaviy takliflar bilan chiqdik, ammo hozircha hech qaysi tomon yon berishga tayyor emas.
Biz Fabiu uchun o'z imkoniyatlarimiz doirasida juda raqobatbardosh taklif bera olishimizga ishonchimiz komil. Albatta, o'yinchi va "Arsenal" buni qabul qiladimi, yo'qmi, bizga qiziq. Agar ular rad etishsa, biz xotirjamlik bilan boshqa futbolchiga o'tamiz".