Xabi Alonsoning ilk intervyusi

🗣️ Tarkib haqida:

«Ushbu jamoaning salohiyati meni ilhomlantirdi. Ishlash mumkin bo'lgan tarkibni topish, birgalikda yangi futbol g'oyalarini yaratish, stadionga hissiyotlar olib kirish va muxlislar bilan bog'liqlikni yo'lga qo'yish muhim».

🗣️ Dastlabki kunlar haqida:

«Allaqaachon joylashib oldim. Kayfiyatim a'lo, birgalikdagi ishni intiqlik bilan kutyapman. Bu katta sharaf. So'nggi o'n yilliklarda katta muvaffaqiyatlarga erishgan shunday buyuk klubning bir qismi bo'lish — katta imtiyoz. Biz yangi chaqiriqni intiqlik bilan kutyapmiz».

🗣️ O'yinchilar oldiga qo'yilgan maqsadlar haqida:

«O'zingni ayamaysan, jamoa uchun qo'ldan kelgan barcha ishni qilish muhim. Albatta, astoydil mehnat qilish kerak. Bunday ishchi madaniyatni yaratish zarur va u aynan shu yerda, Kobbemdagi kundalik mashg'ulotlardan boshlanadi.

Biz bir-birimizni doimo maksimal natija ko'rsatishga undashimiz kerak. Har kim o'zining eng yaxshi versiyasini namoyish etish uchun borini berishi shart. Agar biz bir-birimiz bilan shunday kayfiyatni ulashsak, kelajakka optimistik nazar bilan qaray olamiz».

🗣️ «Stamford Bridge» haqida:

«Bu stadion qanday energiyaga egaligini juda yaxshi bilaman. Muxlislar va jamoa o'rtasida aloqa paydo bo'lishi uchun biz o'sha energiyani qaytadan yaratishimiz kerak».

🗣️ Muxlislar haqida:

«Muxlislarga shuni yetkazmoqchimanki, agar biz birga bo'lsak, yaxshi kunlar kelishiga bo'lgan ishonchni ular bilan baham ko'rmoqchimiz. Agar biz shunday kuch yaratsak, u bizdan taralishi va bizga energiya olib kelishi kerak. Ammo buni birgalikda qilish muhim, shunda biz yaqin yillarda buyuk ishlarga erisha olamiz».

🗣️ Salohiyat haqida:

«Bu yerda buyuk ishlarni amalga oshirish uchun imkoniyatlarimiz katta deb hisoblayman. Biz shuni bilamizki, muvaffaqiyat — bu yaxshi mehnat, sifatli qarorlar va klubda qurmoqchi bo'lgan to'g'ri madaniyatning natijasidir. Juda ko'p odamlar ishtirok etadigan bu murakkab, ammo yoqimli jarayonning go'zalligi ham shunda».