Karp xabariga ko'ra, 43 yoshli murabbiy Vladimir Slishkovich yil oxirigacha «Jenis» klubi bilan shartnoma imzolash uchun seshanba kuni Ostonaga uchib ketadi.
Slishkovich Abaskal iste'foga chiqarilganidan so'ng «Spartak»da munosib ishladi: 6 o'yinlik mag'lubiyatsiz seriyani qayd etib, «Rostov» (5:1), «Lokomotiv» (3:2), «Dinamo» (2:0) va «Krasnodar» (1:0) ustidan g'alaba qozondi.
Yagona kamchilik, u Rossiya Kubogi mintaqalar yo'li finalida «Baltika»ga qarshi bahsda muvaffaqiyatsizlikka uchradi.
«Orenburg»dagi davri esa ancha sustroq o'tdi: birinchi mavsumni quyi ligaga tushib ketish zonasida yakunladi (hakamlar poraxo'rligi sabab «Torpedo» diskvalifikatsiya qilingani uchun RPLda qoldi), ikkinchi mavsumda esa 14-o'rinda borayotganida jamoani tark etdi.
Vladimirning Qozog'istonda qanday natijalarga erishishini kuzatamiz.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!