Rostov klubining yangi bosh direktori hakamlarga pora bergan. Bu haqda Chayka klubining sobiq direktori Bayan ma'lum qildi. Uning so'zlariga ko'ra, 2018/19-yilgi mavsumda biznesmen Chayka bahsli vaziyatlarda jamoasi foydasiga qaror qabul qilishlari uchun u orqali hakamlarga 100 ming rubl va undan ko'proq mablag' uzatgan.
Chaykadan «minnatdorchilik» olganlar orasida RPLning amaldagi referilari Frolov va Shafeyev ham bor. So'roq paytida ular halol hakamlik qilganliklarini, pullarni esa «yaxshi ish» uchun «sovg'a» deb bilganliklarini aytishgan.
Shu bilan birga, futbol faoliyatidan umrbod chetlatish jazosi faqat Bayanga nisbatan qo'llanilgan, Chayka va hakamlarga esa tegishmagan. Qolaversa, biznesmen Bayanni barcha aybni o'z zimmasiga olishga ko'ndirmoqchi bo'lgan, ammo u bunga rozi bo'lmagan. Ko'rinishidan, Olegda Chaykaning aybiga doir «temirdek» dalillar mavjud.
Bayan bu va boshqa tafsilotlar haqida Karpga bergan intervyusida so'zlab berdi. Unda yana quyidagi ma'lumotlar bor:
Urojay Ikkinchi liga hakamlariga sodiq hakamlik uchun 300 mingdan 500 ming rublgacha to'lagan va Chaykaga qarshi o'yinlarda boshqa jamoalarni moliyaviy rag'batlantirishga uringan.
Chernomorets futbolchilari hakamlarga o'z mukofot pullaridan yig'ib berishgan, keyin esa klubdan bu mablag'larni qoplab berishni talab qilishgan.
Hakamlarga Bayanning pul olishdagi roli haqida ko'rsatma berish yoki ko'rsatmalarni o'zgartirish uchun bosim o'tkazilgan.
Chaykaning boshqa xodimlari hakamlarga o'z shaxsiy kartalaridan pul o'tkazishgan. Ba'zilar keyinchalik so'rovlarda ularning kartasidan Bayan foydalangan bo'lishi mumkinligini aytishgan.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!