L'Equipe: Lion Liga 1dagi birinchi o‘yinini boshqa muddatga ko‘chirishni so‘radi
«Lion» Chempionlar ligasining uchinchi saralash bosqichiga to‘liq tayyor bo‘lish uchun 29-iyun kuni mashg‘ulotlarni qayta boshladi. Ushbu bosqichning dastlabki o‘yinlari 4 yoki 5-avgustda, javob bahslari esa 11-avgustda bo‘lib o‘tadi. Agar Paulu Fonseka jamoasi bu bosqichdan muvaffaqiyatli o‘ta olsa, keyin keyingi ikki hafta ichida o‘tkaziladigan pley-off raundida maydonga tushadi.
Aynan shu sababli klub rahbariyati LFPga Fransiya chempionatining 1-turidan o‘rin olgan «Tuluza»ga qarshi o‘yinni boshqa muddatga ko‘chirishni so‘rab rasmiy xat yo‘lladi. Shu bilan birga, murojaatda bu so‘rov faqatgina «Lion» Chempionlar ligasining pley-off raundiga yo‘llanma olgan taqdirdagina kuchga kirishi ta’kidlangan, chunki «Tuluza» bilan o‘yin ehtimoliy qarama-qarshilikning aynan ikki uchrashuvi oralig‘iga to‘g‘ri keladi.
O‘tgan mavsumda «PSJ» bir necha bor qilganidek, «Lion» ham o‘z murojaatini butun Fransiya futboli manfaatlari bilan asosladi, ya’ni bundan maqsad Fransiya vakillarining yevrokuboklarda muvaffaqiyatli ishtirok etish imkoniyatlarini oshirishdir.
LFP javobi yaqin kunlarda chiqishi kutilmoqda.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!