Lamin Yamalning uyiga o'g'rilikka urinish bo'ldi

Mayka Navarro xabariga ko'ra, xususiy qo'riqlash xizmati xodimlari Lamin Yamalning uyiga o'g'rilikka urinishning oldini olishdi.

Qo'riqchi kuzatuv kameralari orqali uchastka devorlaridan biriga chiqayotgan ikki kishini payqab qolgan. Ular ko'rib qolinganini tushungach, devordan tezda tushib, voqea joyidan yashiringan. Uyning xususiy qo'riqlash xizmati politsiyani xabardor qilgan. Ayni damda Jinoyat qidiruv boshqarmasi tergov ishlarini olib bormoqda.

O'g'rilikka urinish tonggi soat to'rtlar atrofida sodir bo'lgan. Ikkala jinoyatchi ham niqobda bo'lgan. Tasodifmi yoki yo'q, ammo bugun tongda o'sha elita turar-joy majmuasidagi boshqa uylarda ham kamida ikkita o'g'rilik holati qayd etilgan, biroq bu jinoyatchilar aynan o'sha shaxslar ekanligi hozircha tasdiqlanmagan.

Abdul (Laminning amakisi): «Men o'g'rilikka urinish haqida La Vanguardia gazetasidan bilib oldim, biz xavotirda emasmiz, chunki bu juda xavfsiz uy va unga o'g'rilik maqsadida kirish mutlaqo imkonsiz».