Konrad Laymer "Bavariya" bilan shartnoma uzaytirilgani haqida fikr bildirdi

Konrad Laymer "Bavariya" bilan shartnomani uzaytirishi borasida o'z fikrlari bilan o'rtoqlashdi:

Men har doim vaziyat bo'yicha juda xotirjam bo'lganman. Hammasi ijobiy yakunlanganidan va kelishuv rasmiylashganidan xursandman. Bu yerda yigitlar va murabbiylar shtabi bilan ishlash juda maroqli. Men o'sishda davom etishga, o'yinimni yaxshilashga va navbatdagi qadamni tashlashga tayyorman. Ko'p narsalar yozildi, lekin futbol biznesi shunday ishlaydi.

Men doim xotirjam edim. Uzoq vaqt davomida hech qanday aloqa bo'lmadi, keyin muloqot qayta tiklandi va shundan so'ng hammasi tezda hal bo'ldi. Mening tomonimdan bu yerda qolmaslik uchun hech qanday sabab yo'q edi — men har doim klubda qolishni xohlaganman.