Fabrisio Romano: «Liverpul» Bredli Barkolya uchun asosiy da'vogar

Fabrisio Romano «Liverpul» Bredli Barkolya uchun asosiy da'vogar ekanligini va bu voqealar rivoji hali davom etishini ta'kidladi.

🛑 Fabrisio Romano o'z kanalidagi videoda shunday dedi:

«Men bugun, kecha, bir, ikki va uch oy oldin aytgan gapimni takrorlayman: Barkolya – «Liverpul»ning asosiy, asosiy, asosiy transfer maqsadi. «Liverpul»da Barkolya yuqori baholanadi. Bilaman, ko'pchilik mening ma'lumotlarimga shubha bilan qaradi, ehtimol, bu hamma joyda ham chiqavermagani uchundir. Ko'pchilik: «Bu imkonsiz, bu sodir bo'lmaydi», deb aytgandi. Moliyaviy nuqtai nazardan transfer amalga oshishi mumkinmi yoki yo'q, bilmayman. Ammo shuni aniq ayta olamanki, «Liverpul» Bredli Barkolya bilan hamon jiddiy qiziqmoqda».

🛑 U to'g'ridan-to'g'ri efirda qo'shimcha qildi:

«Barkolya daxlsiz emas. Ko'pchilik «Arsenal» haqida so'rayapti, lekin gap ular haqida emas – «Liverpul» Barkolya transferi ustida faol ishlamoqda va unga nisbatan jiddiy qiziqishni saqlab qolmoqda. Faqat kutish qoldi».

🛑 Romano ijtimoiy tarmoqdagi izohlarda muxlisga javob qaytarib, shunday dedi:

«Men sizlarga Slot ketishini aytganimda, hamma u qoladi deb ta'kidlagandi. Men Munyos bo'yicha kelishuv yakunlangani haqida xabar berganimda, hech qanday mish-mishlar yo'q edi. Endi esa sizlarga kutishni maslahat beraman, chunki Barkolya – «Liverpul»ning real transfer maqsadi, lekin transfer uchun pulni men to'lamayman va tomonlar o'rtasida muzokarani ham men olib bormayman. Shunga qaramay, «Liverpul» uni haqiqatan ham o'z safiga qo'shib olmoqchi».