Enso Fernandes haqidagi yolg'on xabarlarga oydinlik kiritildi

Enso Fernandesning «depressiyasi» haqidagi mish-mishlar yuzasidan. ❌

Ayrim kanallar Argentina terma jamoasi JCH finalidagi mag'lubiyatidan so'ng Enso depressiyaga tushib qolgani haqidagi xabarlarni qayta-qayta tarqatmoqda. Go'yoki bu haqda futbolchining qiz o'rtog'i Valentina Servantes aytib o'tgan.

Mish-mishlarga ko'ra, terma jamoadagi hech kim Ensoga qo'ng'iroq qilmagan yoki yozmagan, barchasi mag'lubiyatda aynan uni ayblamoqda, futbolchi esa hatto o'z qiz o'rtog'i bilan ham gaplashmay qo'ygan.

Shuni ta'kidlash kerakki, ayrim kanallar bu ma'lumotni ESPN Argentina manbasiga asoslanib tarqatmoqda. Ammo bu haqiqat emas. Aslida, bu xabarni X ijtimoiy tarmog'idagi oddiy foydalanuvchi tarqatgan va post 7,2 million marta ko'rilgan.

Bundan tashqari, agar o'sha postni oxirigacha o'qisangiz, unda Enso yurak xastaligi bilan kurashayotgani va unga ikki kun umr qolgani yozilgan. Kanallar bu qismini ataylab yashirmoqda, chunki bu shunchaki uydirma ekanligi darhol ma'lum bo'lib qoladi.

Iltimos, bunday yolg'on xabarlarga ishonmang va ularni tarqatmang. Agar bu xabar haqiqat bo'lsa, biz buni albatta yoritib o'tamiz.