❤️ Tajribali himoyachi Lorentso de Silvestri va «Bolonya» o‘rtasidagi roman davom etadi — tomonlar bitimni yana bir mavsumga uzaytirishdi. Hozirda futbolchi 38 yoshda, biroq u haligacha jamoaga yordam berish uchun o‘zida kuch sezmoqda. Mehnat munosabatlari uzaytirilgani haqida «Bolonya» rasmiy sayti xabar bermoqda.
Eslatib o‘tamiz, de Silvestri o‘zining hozirgi klubiga 2020-yilda kelib qo‘shilgandi. Bungacha u Rimning «Latsio», Genuyaning «Sampdoriya», Turinning «Torino», shuningdek, «Fiorentina» kabi jamoalarda o‘ynashga ulgurgan. Shu bilan birga, 2010-yildan 2016-yilgacha bo‘lgan davrda de Silvestri Italiya terma jamoasiga taklif etilgan va uning safida oltita o‘yin o‘tkazgan.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!