"Arsenal" klubi o'zining titul homiysi Emirates bilan amaldagi shartnoma muddati tugashiga ikki yil qolganida yangi bitim imzoladi.
Sam Wallace ma'lumotiga ko'ra, yangi kelishuv joriy yillik 45-50 million funt sterling to'lovlar miqdorini sezilarli darajada oshirishni nazarda tutadi. Shartnomaning aniq summasi va muddati hozircha oshkor qilinmayapti.
Kelishuv quyidagilarni o'z ichiga oladi:
— Emirates logotipini erkaklar va ayollar jamoasi liboslarida joylashtirish;
— Emirates Stadium nomini saqlab qolish;
— klubning asosiy tijorat hamkorliklaridan birini yanada rivojlantirish.
Shartnoma qiymatining o'sishi "Arsenal"ning muvaffaqiyatlari bilan bog'liq: 22 yildan so'ng Premer-ligadagi ilk chempionlik va ayollar jamoasining Chempionlar ligasidagi g'alabasi. Klubning tijorat daromadlari Jyul'et Slot faoliyati davrida 104 foizga o'sdi.
2024/25 yilgi mavsumda "Arsenal" daromad bo'yicha rekord o'rnatdi — 691 million funt sterling, shundan 263 million funti tijorat tushumlari hissasiga to'g'ri keladi.
Daromadlarning o'sishi UEFA'ning moliyaviy qoidalarini hisobga olgan holda juda muhim, chunki ular transferlar, maoshlar va agentlik to'lovlari bo'yicha xarajatlarni klub daromadining 70 foizi darajasida cheklaydi.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!