A Seriya qoidalariga kiritilayotgan o'zgarishlar tasdiqlandi

La Gazzetta dello Sport xabariga ko'ra, A Seriya barcha yangiliklarni ham qabul qilmadi.

✅ A Seriya ligasi qoidalardagi quyidagi o'zgarishlarni ma'qulladi va ularni qo'llaydi:

— darvozabon to'pni sakkiz soniyadan ortiq ushlab tura olmaydi (besh soniyadan so'ng hakam hisobni boshlaydi), aks holda raqib burchak zarbasi tepish huquqiga ega bo'ladi;

— maydonda tibbiy yordam ko'rsatilgan futbolchilar (darvozabonlardan tashqari) kamida bir daqiqaga maydonni tark etishlari shart;

— agar ikkinchi sariq kartochka xato ko'rsatilgan bo'lsa, VAR aralashishi mumkin;

— agar hakam burchak zarbasini belgilashda xatoga yo'l qo'ysa, VAR vaziyatga aralasha oladi.

❌ A Seriyada og'izni kaft bilan yopib gaplashgan futbolchilar chetlatilmaydi.